Мақат кентіндегі орталық алаңда Астана күніне арналған «Киелі менің Елордам!» атты мерекелік концерт өтті.
Шара басында аудан әкімінің орынбасары Бекәділ Орынбасарұлы тұрғындарды мерейлі мерекемен құттықтап, жылы лебізін білдірді.
Одан әрі шараны аудан көркемөнерпаздары мерекелік концертпен жалғады. Концерт «Шаттық» үлгілі би ансамблінің «Назбике» биімен ашылып, Жасұлан Сисембиев пен “Ардагерлер” ансамблі «Тойбазар» әнін орындады.
Кенжебике Төлебаева, Шакизада Қонысбаева, Мәди Маңғыстауов, Раушан Алиева, Гүлнар Ишанғалиева, Қайырбек Бағытов, Айнагүл Әбілқасова, Ақболпт Отаубаев, Гүлжан Бисаханова, Думан Құрмашев сынды әншілер көрермен қауымға мерекелік көңіл-күй сыйлады.
Концерт соңында әншілер тобы А.Бұзаубаеваның «Астана» әнімен кешті қорытындылады.
