Жүлдеден жүлде қоймай, толағай табыстарға қол жеткізген Мақат балалар өнер мектебінің кезекті жүлдесі «Balbulaq» балалар мен жасөспірімдер шығармашылық орталығының ұйымдастыруымен өткен ІІ Халықаралық «Ұлы дала рухы» фестиваль - байқауы болды.
Мақат балалар өнер мектебінің «Күйсандық» мамандығының оқушылары Аянат Қайратқызы «Бас жүлдеге» ие болса, Нұрдаулет Бейбіт пен Айғаным Дулатқызы да алдыңғы лектен көрініп І орын алды. Додадан екінші орынға ие болғандар да жоқ емес. Солардың бірі Жанай Аяулым мен «Қобыз-прима» үйірмесінің оқушысы Орынғали Нұрай. Дәстүрлі жолды дәріптеп жүрген «Домбыра-тенор» оқушылары да жарыс жолында аянып қалмады. Бас жүлдеге Хайруллин Ахмет пен Бағытжанұлы Таңнұр табан тіресе, Сағын Інкәр, Демеу Гүлзар, Темірбекұлы Мәди мен Жолдасқали Жанель жүлделі І орынға ие болды. Ең қызығы бұл бағыт бойынша да екінші орындар алғандардың саны басым. Олар: Абайқызы Алина, Алдаберген Әбілмансур,Сергей Мәди, Асылбек Сәруар, Қайырбекқызы Інжу, Ерғали Фатима, Жайлыбай Нұрпейіл. Кіл мықтының арасынан үздік үштікті Арсен Карим түйіндеді.
Сондай-ақ лауреаттарды дайындаған А.Ильясов, Р.Түсіпқалиева, Г.Омарова, С.Айдарғалиева ұйымдастырушылардың «Құрмет грамотасымен» марапатталды.
А.САДЫКОВ