Қарқынды жұмыс пен қатаң талаптың ақыры нәтижесіз қалмады. 30 қыркүйекте келіп жеткен мәліметке сүйенсек аудан бойынша эпидемиологиялық жағдай тұрақты. Соңғы рет 18 қыркүйекте 1 науқас тіркелген.
Естеріңізге сала кетсек ауданда жалпы коронавирустың - 284 жағдайы орын алған. Соның ішінде Мақат кентінде - 140 жағдай, Доссор кенті – 139 жағдай, Бәйгетөбе ауылдық округі – 5 жағдай. Ал, жақын қарым-қатынаста болған адам саны - 1087. Еңсесі тіктеліп, емделіп шыққандар - 284 адамды құраса (Мақат -143, Доссор -136). Көңіл құлазытып арамыздан арғы өмірге аттанғандардың саны – 5 адам (COVID-19).
Бір қуантарлығы бүгінде аудандық ауруханалардың провизорлық стационарлары жабылды. Сондай-ақ инфекциялық бөлімде ентігіп ем іздеп жатқан бір науқас жоқ, бұндағылар тек өзге аурулар бойынша сырқаттанған.
А.САДЫКОВ
Сурет: ашық дереккөз
