Аудандық ардагерлер кеңесінде еңбек жолында мінсіз қызмет атқарған бірқатар теміржолшылар марапатталды.
Марапаттау шарасында алдымен сөз алған ардагерлер кеңесінің төрағасы Сабит Халенов шараға қатысушы ардагерлерге ізгі тілегін жолдап, Серік Қызылбасов, Арыстанбай Құсайынов, Тәжібике Сарсекбаева, Қамажай Бағытова және Зинолла Бимурзиеваға облыстық ардагерлер кеңесінің «Мінсіз қызметі үшін» мерекелік медалін табыс етті.
Одан әрі сөз алған ардагерлер кеңесінің мүшесі Қабылхан Омаров барлық марапат иелерін құттықтай отырып, қоғамдық жұмыстарға етене араласып, бірлесе жұмыс жасауға шақырды.
Шара барысында марапат иесі Қамажай Бағытова қызметтерін елеп-ескергені үшін ардагерлер кеңесіне өз алғыс-тілегін жолдады.
«Бүгінгі марапат теміржолшы ардагерлерге көрсетілген құрмет деп білемін. Біздің қызметімізді елеп-ескерген ардагерлер ұжымына алғысымды білдіремін. Осы ретте барлық әріптестерімді мерекелік төсбелгі алуларымен құттықтап, қазыналы қарттық тілеймін»,- деді теміржолшы Қамажай Бағытова.
Жиын соңында марапат иелері естелік суретке түсті.
Ботакөз Асхатқызы
фото: автордікі
