Ел ретінде еңсемізді тіктейтін Тәуелсіздік мерекесі әр тұрғынды ерекше сезімге бөлейді. Мереке күндері көпшіліктің алғысына бөленуді әдетке айналдырған "Доссормұнайгаз" өндірістік басқармасы биыл да аз қамтылған отбасыларға қол ұшын созды.

"Біз өткен жылы мереке қарсаңында  жағдайы төмен он бес жанұяға азық-түлік таратқан болсақ, бүгін олардың санын жиырмаға жеткізіп отырмыз. Мақат кентінен он жанұя, Доссор кентінен он жанұя. Мұнайшыларымыздың бұл сәлемдемесі тұрғындарымызға аз да болса, мерекелік көңіл-күй сыйлайды деген үміттеміз.  

Алдағы уақытта қайырымдылық шараларын дәстүрлі үрдіске айналдармақпыз. Мерекеміз тағы да құтты болсын!",-дейді кәсіподақ төрағасы С.Мұхамбетов.

А.САДЫКОВ
Сурет: ашық дереккөз