Атырау қаласындағы №5546 әскери бөлімінде орналасқан №75 референдум учаскесі таңғы 06:00-де дауыс беруді бастайды.
Бұл жөнінде Атырау облыстық аумақтық референдум комиссиясының баспасөз қызметі хабарлады.
Сонымен қатар, Атырау қаласындағы 9 емдеу мекемесі, 1 әскери бөлім және 1 тергеу изоляторында орналасқан уақытша дауыс беру орындарында учаскелік комиссиялар тізімге енгізілген барлық азамат дауыс берген жағдайда, саяси науқанды ертерек аяқтауы мүмкін. Егер басқа уақыты белгіленбесе, референдум учаскелерінде дауыс беру 6 қазан күні сағат 07:00-ден 20:00-ге дейін жалғасады.
Айдарбек АҚАРЫС
