Карантин талабы орталық мешіттерімізді жамағатынан қашықтатып тастаса да, қайырымды қасиетінен жаңылдырмады.

Қасиетті жұма қарсаңында өткен "Рамазан керуені" атты қайырымдылық шарасы - бұл сөзімізге айқын дәлел.

Аталмыш шара барысында ауданымыздағы аз қамтылған және көп балалы отбасыларға азық-түлік таратылды. Бұл ретте, Мақат аудандық орталық мешіті 30 отбасыға жәрдемдессе, Доссор мұсылмандар мешіті 15 отбасыға, Сәтен-Шәмек мешіті 20 отбасыға жомарттық танытты.

Осылайша қасиетті ораза айының үшінші жұмасында 65 жанұя азық-түлікпен қамтылды.

А.САДЫКОВ