Президент Қасым-Жомарт Тоқаев қазақстандық студенттердің шәкіртақысын өсіруді тапсырды.
«2020 жылдың бірінші қарашасынан бастап бакалавриат, магистратура және докторантурада оқитын жалпы саны 133 мың студенттің шәкіртақысы 25 пайызға өседі», - деді Тоқаев Нұр-Сұлтанда Жастар жылының аяқталуына арналған салтанатты шарада.
Тоқаев басты тапсырмалардың бірі білім беру сапасы мен оның қолжетімділігін арттыру екенін айтып өтті. «Атамекен» Ұлттық кәсіпкерлер палатасының мәліметінше, түлектердің 60 пайызы мамандығы бойынша жұмысқа орналаса алмайды.
Дереккөз: Tengrinews.kz
