Атырауда 8 жасар бала Жайық өзеніне батқан жасөспірімдерді құтқаруға көмектескен

(0 Votes)
https://almaty.tv/

Атырауда 2 жасөспірім Жайық өзеніне түсіп кеткен. Оның бірін құтқаруға 8 жасар бала көмектескен, деп хабарлайды ҚазАқпарат тілшісі.

Облыстық полиция департаментінің баспасөз қызметінен мәлім еткендей, оқиға кеше, 3 желтоқсанда болған.

Атырау қаласында Жайық өзенінің үстінен салынған бірнеше көпір бар. Соның бірі Балықшы шағын ауданы мен Жұмыскер елді мекенін жалғайды.

Екі жасөспірім аталған көпірдің тұсында Жайық өзеніне қатқан мұз үстіне шыққан. Сол кезде жұқа мұз ойылып, екеуі де суға түсіп кеткен.

Мұны байқаған 8 жасар Жаңбырбай Серікұлы көмекке келіп, екі жасөспірімнің бірін қолын тартып, судан шығаруға көмектескен. Судан шыққан жасөспірімнің бірі екіншісін құтқарып қалған. Кейін суға батқан екі жасөспірімнің бірі 14, екіншісі 9 жаста екені анықталған.

Оқиға орнына жеткен полиция қызметкерлері балаларға алғашқы көмек көрсетіп, ата-аналарына аман-есен тапсырған.

«Баламды ажалдан құтқарған Жаңбырбай Серікұлының әрекеті мен жанашырлығы үшін алғысымды айтуды жөн көрдім. Ол қорқып қашып кетпей, батыл әрекет етті. Қиналған жанға көмегін берген Жаңбырбайдың ата-анасына да ризашылығымды білдіремін», -дейді 9 жасар жасөспірімнің анасы.

Полиция қызметкерлері ауа-райының құбылуына байланысты Жайық өзеніне шықпауды ескертіп отыр. Өйткені, өзенде қатқан мұздың қалыңдығы әлі де жұқа екені байқалып отыр.

Мақат тынысы

Сайлау

ybory-2023-price

Соңғы жаңалықтар

ЖАҚСЫ КІТАП - ЖАН АЗЫҒЫ

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және
коммуникациялар министрлігінде тіркелгені жөнінде
2018 жылдың 16 мамырында №17098-Г куәлігі берілген.

Атырау обл, Мақат кенті, С.Мұқашев к-сі, 36.
makat70@mail.ru 
8 (712)39 3 07 66

 

 

Яндекс.Метрика