Мемлекет басшысы Қасым-Жомарт Тоқаев алғашқы Жолдауларының бірінде бұқаралық спортты дамыту мәселесіне баса назар аударған болатын.
Сондай-ақ, ол: «Бұқаралық спортты дамыту – пирамидаға айналуы қажет. Оның басына чемпиондар шықса, оның негізінде біз сау әрі саналы ұрпақты, мықты ұлтты қалыптастырамыз» - деп барлық жас санаттар арасында бұқаралық спорт түрін насихаттай беру керектігін жеткізген еді.
Осы мақсатта Орал қаласында дзюдодан жасөспірімдер арасында Қазақстан чемпионаты өтті. Кіл мықтылар жиналған дүбілі додада мақаттық Заманбек Бақтығали 66 кг салмақ дәрежесінде бақ сынасып, мұнайлы мекеннің мерейін үстем етті.
Ол қарсыластарынан оқ бойы оза шауып, нәтижесінде қола жүлдені қанжығасына байлады.
Айта кетейік, аудан абыройын асқақтатқан спортшының жетістігінде бапкері Абзал Капсалимовтің еңбегі орассан.
Байрақты бәсекеде үздік үштіктік қатарынан көрінген Заманбекке жеңісті күндерің көп болсын дейміз!
Ә.ҚАСЫМ
