Жетісу облысында ауыл жасөспірімдерінің IV жазғы ойындары барысында бес асықтан жеңімпаз атанған аудан оқушылары мен Жылыойлық оқушыларды жергілікті жанкүйерлер салтанатты түрде қарсы алды.
Аудандық мәдениет, тілдерді дамыту, денешынықтыру және спорт бөлімі басшысының уақытшы міндетін атқарушы Н.Исполов және аудандық білім бөлімінің басшысы А.Долдашев, білім беру саласының мамандары мен М.Баймұханов атындағы орта мектебінің ұжымы 6 сынып оқушысы Амангүл Мұхитова мен дене тәрбиесі пәні мұғалімі Мейрамгүл Жұмағалиева зор қошемет білдірді.
Мерейлі жеңіспен құттықтап, алдағы сайыстарға сәттілік тіледі.
Айта кетейік, Талдықорған қаласында өтіп жатырған дәстүрлі ауыл жасөспірімдерінің IV жазғы ойындарында облыс құрамасы жеңімпаз атанған еді. Топ құрамында аудан және Жылыойлық жас асықшылар болды.
