Макаода 4-11 желтоқсан күндері аралығында муай-тай спортынан ересектер арасында Азия чемпионаты өткен болатын.
Жарысқа 30 елден келген командалар қатысып, құрлық біріншілігінде Қазақстан намысын 10 спортшы қорғады. Оның жетеуі жеңіс тұғырынан көрініп, ел қоржынын 1 алтын, 3 күміс, 3 қола жүлдемен толықтырды. Бұл әлемдік додаға жерлесіміз Еламан Саясатов қатысып, 54 келі салмақ дәрежесінде қола жүлдеге ие болды. Сегіз күнге созылған жарыс нәтижесінде жалпы командалық есепте Қазақстан құрамасы Таиланд, Қытай және Макаодан кейін төртінші орынды иеленді.
М.ІЗТҰРҒАНОВА.
