ҚР премьер лигасында тамаша ойын үлгісін көрсете алмай жүрген "Атырау" футбол командасы «Мұнайшы» стадионында шымкенттік "Ордабасымен" тең ойнап, (0:0) қос ойынның қорытындысы бойынша (1:1) есеп көрсетті.
Қонақта салған жалғыз голдың септігі тиіп, қатарынан үшінші мәрте финалға жолдама алды.
Бұған дейін "мұнайшылардың" жолын алматылық "Қайрат" ақтық сында екі мәрте кескен болатын. «Ер кезегі үшке дейін» деп жерлестеріміз жеңіске тағы бір мәрте ұмтылып көрмек. Бұл жолғы финалдағы қарсылас - қызылордалық "Қайсар" футбол клубы. Олар жартылай финалда "Тобылды" тізе бүктірді.
22 қырқүйекке белгіленген ҚР кубогінде "Атырауға" сәттілік тілейміз!
А.Садыков,
Сурет: ашық дереккөзден
