«NCOC» компаниясының аудан спортшыларын қолдауы әлі де жалғасуда. Жақында аудан әкімінің орынбасары Ербол Ермағамбетов пен «NCOC» компаниясының Жергілікті мемлекеттік органдармен және жұртшылықпен байланыс менеджері Сұңқар Құлжанов компания демеушілігімен алынған спорттық киімдер мен жаттығу құрылғыларын жас спортшыларға салтанатты түрде табыстады.
Атап айтсақ, қазақ, еркін, грек-рим және дзюдо күрестеріне арналған киімдер мен аяқ киімдер, футбол, бокс, теннис формалары және ысқырық, секундамер, марапат тұғыры, теннис үстелі, спорттық арқан және жаттығу маникены берілді.
Аталған шарада аудан әкімінің орынбасары Ербол Қонысбайұлы сөз алып, ауданымыздың жас спортшыларына қолдау көрсетіп, спорттық киімдермен қамтамасыз етіп жатқан «NCOC» компаниясына алғысын білдірсе, компания өкілі Сұңқар Қылышбайұлы спортшыларға сәттілік тілеп, алға қарай да тиісті қолдаулардың көрсетілетіндігін атап өтті.
«МТ»
