«Жасыл қала - жасыл ауыл» жалпыұлттық жобасы аясында ауданға 500 көшет отырғызды. Жобаның мақсаты – туған өлкені көркейту-көгалдандыру, яғни жасыл желекке айналдыру.
Аталған көшеттер ауданның Азаттық, Алаш көшелерінің бойына, «Туған жер аллеясы» мен «Жастар аялдамасы» маңына отырғызылды.
Күзгі тал егу акциясына ардагерлер мен кәсіпкерлер және «Жасыл ел» жастар еңбек жасағының күзгі маусымдағы сарбаздары атсалысты.
Жалпы, көшетті көбіне көктемде отырғызады. Десе де, оған көп күтім керек екен. Ал күзде отырғызылған шыбықтар еккеннен кейін тамыр жайып, тез өнеді. Олар көп күтімді қажет етпейді.
Ең бастысы, табиғат тазарып, кент кескіні келісті болып, балаларға сая болатын ағаштардың саны артқаны қуантады.
Өз тілшіміз.
