20 желтоқсан күні «Есіктен-есікке» акциясы аясында аудандық мәслихат депутаттығына үміткерлер Нүрия Меңдалиева, Ұлмерек Елубаева, Әсел Қаржауова «Jas Otan» белсенділерімен бірге Бәйгетөбе ауылдық округіне барды.
Партия Төрағасының Бірінші орынбасары Б.Байбек атап өткендей, биылғы үгіт-насихат жұмыстары «жанды» форматта сайлаушылармен адал және ашық диалог негізінде жүзеге асуда.
Осы мақсатта кандидаттар үй-үйді аралап, үгіт-насихат жұмыстарын жүргізді. Акция аясында 20 шақты ауыл тұрғындары қамтылды. Партияның «Өзгерістер жолы: Әр азаматқа лайықты өмір!» атты сайлауалды бағдарламасын қарапайым тұрғындардың қажеттілігін, талап-тілегін ескеретінін және болашақта «Халық үніне құлақ асатын» Үкімет концепциясы негізінде барлық депутаттар қызмет атқаратыны жайлы айтылды.
«Есіктен-есікке» акциясы аясында кандидаттар ауданға еңбегі сіңген құрметті азамат Ерғазы Жоламановтың шаңырағына арнайы барып, партияға қолдау танытуға шақырды. Елдегі саяси ақпаратқа қанық ақсақал «Nur Otan» партиясының атқарып жатқан жұмысын қолдайтынын, партияға дауыс беретінін жеткізді. «Партияға сенім мол. Біз әрқашан партия тарапынан көрсетіп жатқан құқықтық, әлеуметтік көмектерді алып, қолдауын сезініп отырамыз. Сондықтан, «Nur Otan» партиясына дауыс беретін боламыз», – деді ол.
Тұрғындар да өз тараптарынан ауылдың өркендеуі үшін бірқатар жұмыстар атқарылғандығын айтып, пікір алмасу сәтінде ауылішілік жол, көше жарығын жолға қою, балаларға спорттық ойын алаңы мен мәдени орталықтың қажеттігін айтып, жұмыссыз жастарды қолдау секілді ұсыныстарын ортаға салды.
Кандидаттар халықтың әлеуметтік жағдайын түзеу үшін әлі де партия тарапынан жұмыстар атқарылатынын жеткізіп, «Біз біргеміз!» ұранымен партияға дауыс беруге шақырды.
М.СЕРІКҚЫЗЫ,
Суреттер автордан
«Nur Otan» партиясының Атырау облысы Мақат ауданының сайлау қоры қаражатының есебінен төленді
