Ауданның құрылғанына 95 жыл толу құрметіне арналған мерекелік шаралар қатарында аудандық кәсіпкерлік және ауыл шаруашылық бөлімінің ұйымдастыруымен қолөнер бұйымдарының көрме-жәрмеңкесі өтті.
Көрмеге ЖК «Хасанов», ЖК «Алданыш», ЖК «Рахметова», ЖК «Кожевникова», ЖК «Сабирова» сынды қолөнершілер қатысып, төл туындыларын тарту етті.
Қолөнершілердің төл туындылары халық арасында қызу сұранысқа ие болды.
Көрмеде табиғи жібек орамалдар, жеке қасықтар, тоқылған өнімдер, зергерлік бұйымдар, емдік шөптер, тері өнімдері, гүл безендірулері, «Баян» сауда маркасының пантоөнімдері, «Ханмұра» бренді, «Аңсаған» бренді ұлттық ою-өрнегі бар футболкалар, түйе тері бұйымдары халыққа арзан бағада саудалады.
-Бұл өз кезегінде тұрғындар арасында қолөнер бұйымдарын жасауға деген қызығушылығын оятып, төл туындыларды насихаттауға және халық арасында ұлттық бұйымдарға деген қызығушылықты арттырады. Кейінгі толқынның санасында сілкініс тудырады, - дейді аудандық кәсіпкерлік және ауыл шаруашылық бөлімінің басшысы А.Шаңғалаев.
А.Таумұрынова
фото: автордікі
