Доссор кентіндегі «Қарлығаш» бөбекжай-балабақшасында «Күз Ханшайымы-2018» атауымен қызметкерлер сайысты.
Жұмыс пен өнерді қатар алып жүрген балабақша қызметкерлері аспаздық шеберлік пен актерлік шеберліктің үйлесімін табуға талпынды. Бір қызығы, бас жүлдеге Нұржамал Гумарова ие болды. Олай дейтініміз, Нұржамал балабақша экономисі қызметінде. Сондай-ақ, балабақша психологі Арай Куразова бірінші, қазақ тілі маманы Жанат Насенова, тәрбиеші көмекшісі Лиза Қазиева екінші, үшінші орындарды еншіледі.
Тиісінше, Рысгүл Амандосова «Әнші ару» атанса, Жансая Тілеуова «Көркем ару» атанды.
ӨЗ ТІЛШІМІЗ.
