Бүгін ашық әкімдікте аудан әкімі Азамат Мәмбетов аудан тұрғындарын қабылдап, жеке мәселелері бойынша өтініштері мен ұсыныстарын тыңдады.
Тұрғындардың көтерген мәселелерінің басым көпшілігі тұрғын үй мәселесіне қатысты сұрақтар болды. Одан бөлек, жұмыссыздық және жол мәселесі қозғалды.
Аудан әкімі Азамат Саматұлы тұрғындардың көтерген мәселелері бойынша заң аясында түсінік беріп, жауапты бөлім басшыларына тиісті тапсырмалар берді.
Сондай-ақ, қабылдауға келген тұрғындардың мәселелері назардан тыс қалмай, алдағы уақытта оң шешімін табатындығын айтты.
Ә.ҚАСЫМ
