Марқұмдардың жақындарына қажетті материалдық және психологиялық көмек көрсетілуде.
2021 жылдың 4 наурызында Махамбет ауданына қарасты Ақтоғай ауылында қайғылы жағдай орын алды. Бір үйден қаза болған екі ер адам, бір әйел адам мен кәмелеттік жасқа толмаған қыз баланың денесі табылды.
Оқиға орнына шұғыл жеткен әкімдік пен төтенше жағдай сондай-ақ полиция қызметкерлері оқиғаның мән-жайын анықтауда. Сала мамандары көмірқышқыл газынан уланған деп болжап отыр.
Қазіргі таңда қала және аудандар мен барлық ауылдық елді мекен әкімдеріне Төтенше жағдай департаментімен бірлесе отырып қауіпсіздік шараларын сақтауға қатысты ақпараттық-түсіндіру жұмыстарын күшейту тапсырылды.
Сонымен қатар, облыс әкімі тұрғындарды қауіпсіздік мәселесіне ерекше назар аударуын сұрайды.
