Мақат ауданының зейнеткерлер мен мүгедектерге әлеуметтік қызмет көрсету аумақтық орталығында тәрбиеленушілер арасында «Шынықсаң-шымыр боласың» атты спорттық сайыс өткізілді.
Балалардың дене бітімін дұрыс қалыптастыру мақсатында өткен сайыста олардың әр түрлі қызықты ойындармен іс-қимылдары жетіліп, қозғалыс белсенділігі артты. Сонымен қатар шара балғындарды бір-біріне деген сыйластыққа, қамқорлыққа, батылдыққа, тапқырлыққа, жылдамдыққа баулуды көздеді.
Сайысқа «Қыран» және «Жалын» атты екі топ қатысып, жеті түрлі қызықты кезеңдер бойынша күш сынасты. Жарыс соңында «Қырандықтар» ұпай санымен басым түсті.
"М.Т"
