“Ел тірегі – ЕЛБАСЫ”.  Осындай атаумен “Халық” қоры азаматтық белсенділік танытып, қайырымдылық шарасын атқарды.

Қор covid-19 пандемиясының және  карантиндік шаралардың салдарынан қиын жағдайға тап болған аз қамтылған, көп балалы, сондай-ақ мүгедек балалары бар отбасылар үшін азық-түлік жиынтығын ұсынды.

2021 жыл Қазақстан үшін елеулі мереке – Тәуелсіздіктің 30 жылдығымен тұспа-тұс келді. Елбасының көшбасшылығы, даналығы мен іргелі бастамаларының нәтижесінде бірлігі жарасқан ел атандық.  

Ел бірлігі халықтың тірлігінен де еркін аңғарылып келеді.  Науқанның мақсаты – карантин салдарынан қиын жағдайға тап болған  азаматтарға көмек көрсету.

Аптаның сәрсенбісі күні азық-түлік себеттері  кент әкімдіктері ұсынған тізімдер бойынша 50 отбасына  кент әкімдіктері  мен аудандық «Халық банк» бөлімшесі жеткізіп берді.   Оның ішінде Мақат кентіне - 20, Доссор кентіне - 25, Бәйгетөбе ауылдық округіне-5 отбасыға берілді. Әр отбасына 3 себеттен, беріліп отыр. Онда күнделікті тұтынатын жиынтығы 50кг. болатын азық- түлік бар.

Мұндай акция алдағы уақытта жалғасын табатын болады.

А.ТАУМҰРЫНОВА

Cуреттер автордікі