Жуырда Атыраудағы NIS оқушысы Кәусар Нұрлыбай Түркия елінің Стамбул қаласында өткен «Startup World Cup Championship-2024» байқауында бақ сынап, БҰҰ алтын медалін иеленді.
Кәусар ұсынған жоба «Imagine dreams» деп аталады. Ол өз жұмысын алдымен Атырауда startup сайысында қорғап, инвестиция иеленді. Кейін республикалық чемпионатта жүлделі болып, халықаралық этапқа өтті. Ал, әлемдік додада 35 мемлекет қатысушылары арасында оза шауып, алтын қанжығалады.
– Бұл фантастикалық альбом баланың шығармашылық дамуына ықпал ете отырып, сурет салу және бояу арқылы баланың психологиялық жағдайын (6 жастан асқан) бағалауға көмектеседі. Бастысы, қоғам үшін пайдалы жоба, – дейді жас зияткер.
