Атырау облыстық ауруханасының дәрігерлері науқастың жатырынан 8 келі миома алды, деп хабарлайды Атырау облысының өңірлік коммуникациялар қызметі.
Дәрігерлердің айтуынша, 53 жасар науқас қабылдау бөлімшесіне келгенде іштің ауырсынуы ,жүрек айнуы , құсу, әлсіздік, бас айналу және жыныс жолдарынан қан кетуіне шағымданған. Дәрігерлердің толық тексеру нәтижесінде науқасқа «Жатырдың алып миомасы. Түйін некрозы, орташа анемия» диагнозы қойылды.
Бүгінде облыстық аурухананың гинекология бөлімшесінің меңгерушісі Жанаргүл Бекенова, гинеколог дәрігерлері Инкар Ондасынова, Мақсат Туганбаев жасаған ота сәтті өтіп, науқас қазіргі уақытта гинекология бөлімшесінде қарқынды ем алуда.
