Азаматтарға арналған үкімет» мемлекеттік корпорациясы КЕ АҚ Атырау облысы бойынша филиалының Халыққа қызмет көрсету бойынша аудандық бөлімінің қызметкерлері орталық «Барыс» базарын аралап, электрондық қызмет түрлерін алу жөнінде түсіндірді.
«Әмина» құрылыс материалдар дүкені, «Гүлмира» сауда үйі, жәрмеңкені аралап, тұрғындарға және автокөлік жүргізушілеріне «Телеграмм» мессенджерлерін жүктеу және анықтамаларды алу жолдары мен электронды қызметтерді тиімді алу үйретілді. Азаматтардың смартфондарына «Телеграмм» мессенджерін жүктеп, «Egov Kz Bot» арқылы мемлекеттік қызметтерді қалай алуға болатынын түсіндіру жұмыстары жүргізілді. Яғни, электрондық анықтамаларды, қызметтерді үйден шықпай-ақ жылдам, әрі тез алуға болатыны көрсетілді.
Бұл халық арасына цифрлық сауаттылық көрсеткішінің артуына сөзсіз әсерін тигізеді.
А.ТАУМҰРЫНОВА,
суреттер автордікі
