Аудан әкімдігінің қолдауымен байрақты бәсекеде ел намысын қорғап, еліміздің атын төрткүл дүниеге танытқан, халықаралық, республикалық конкурстарда чемпион атанып жүрген спортшыларға арналған спортшылар балы өтті.
Аталмыш шара спортшылардың жаңа биіктерге жетуге ынталандыру мақсатында ұйымдастырылды.
Салтанатты кеште сөз алған аудан әкімі Азамат Мәмбетов ізгі тілегін жеткізіп, аудан спортшыларының нәтижелі еңбектерінің арқасында ауданның спорт саласындағы жетістіктері жыл санап артып, қарқынды дамып келетіндігін айтты.
Сондай-ақ, ауданда бұқаралық спортты дамыту, жастар арасында салауатты өмір салтын насихаттау бағытындағы спорттық шаралар әрі қарай жалғасын таба беретіндігін айтып, спорттың әр саласындағы ең үздік жеңімпаздарды және ерекше жетістіктерге жеткен спортшыларды марапаттады.
Шара соңы аудан көркемөнерпаздарының концерттік бағдарламасымен жалғасты.
Ә.Қасым
