Аудандық жастар ресурстық орталығының ұйымдастыруымен Доссор мәдениет үйінің сахнасында «Жайдарман» ойыны өтті.
Әзілкештердің аудандық ашық турниріне Доссор кентімен қатар Құлсары және Атырау қаласының командалары қатысты. Атап айтар болсақ, олар: «Шекер» (C. Шарипов мектеп-интернаты), «Дубай» (Б. Қанатбаев мектебі), «Доссор» құрамасы, «Кіші жүз» (Құлсары қаласы), «Гүлнұр Мұқанова» (Құлсары қаласы), «Еркінқала» (Атырау қаласы) мен «Баймұханов 45» құрамасы (Атырау қаласы).
Тек «Сәлемдесу» турынан тұрған ойын қорытындысымен үшініші орынды жергілікті «Дубай» еншілесе, екінші орын жылыойлық «Гүлнұр Мұқанова» командасының жігіттеріне бұйырды. Ал «Жастар кубогын» «Еркінқала» командасы ұтып алды. «Доссор» құрамасының ойыншысы Қанат Сағынғали «Үздік ойыншы» атанды.
А. Есжан
