Атырауда жалпы білім беретін мектепте республикалық ашық сабақ өтті

(0 Votes)

Жалпы білім беретін Исатай Тайманов атындағы орта мектепте «Тәуелсіздік жетістіктері» тақырыбында республикалық ашық сабақ өтті, деп хабарлайды Атырау облысының өңірлік коммуникациялар қызметі.
Санитариялық талаптарды сақтай отырып 9-10 сынып оқушылары сайысқа түскен ашық сабақта тәуелсіздіктің құрдасы, айтыскер ақын Ануарбек Садықов пен «Мен қазақпын» патриоттық әнінің сөзін жазған, ақын Нұржан Өмірбай қатысты.

- Іс-шараның басты мақсаты – тәуелсіздік жылдары қол жеткізген жетістіктерді дәріптеу. Мемлекет басшысы Қасым-Жомарт Тоқаев өз сөзінде «Тәуелсіздіктің 30 жылдығын тек мерейтой деп санауға болмайды. Ең алдымен, бұл тарихи оқиғаға идеологиялық тұрғыдан қарауымыз керек»,- деген болатын. Топқа бөлініп, жарысқа түскен оқушылар еліміздің 30 жыл ішінде жеткен жетістіктеріне баса назар аударды. Бұл шара осымен тоқтап қалмайды. Жыл соңына дейін түрлі ашық сабақ өткізу жоспарда бар,- Исатай Тайманов атындағы орта мектеп директорының орынбасары Шынар Сарманова.

 

ФОТОГАЛЕРЕЯ

Біріңғай мемлекеттік байланыс

AqPrint

Байланыс номерi :     +7 702 132 03 32      +77122458521