Бәйгетөбе мектеп-бөбекжай кешенінде орналасқан №209 референдум учаскесінде дауыс беруге келіп жатырған тұрғындар саны қалың.
Округ бойынша 1157 дауыс беруші болса, оның 277 тұрғыны шалғай елді мекендерде орналасқан.
Референдум комиссиясының төрайымы Таңшолпан Сағидоллақызы: “Бәйгетөбе ауылдық округінің тұрғындары дауыс беруге белсенділік танытуда. Қазіргі сәтке дейін 215 тұрғын өз дауыстарын беріп үлгерді. Сондай-ақ, ауылдық округке қарасты разъездерге референдум учаскесінен референдум комиссиясының мүшелері сайлау жәшігімен кеткен болатын. Қазіргі сәтте ол жақта 237 дауыс жиналған”,-деді.
Айта кетейік, № 209 сайлау учаскесінде 5 бақылаушы дауыс беруді жіті қадағалауда.
Ә.ҚАСЫМ
