Су тапшылығы, жол қатынасының қиындығы және агросаланы жаңғырту – еліміздің алдында тұрған өзекті мәселелердің бірі. Осыған орай Мемлекет басшысының биылғы Жолдауы ел дамуына жаңа серпін беріп, стратегиялық бағыттарды нақты айқындап берді. Ауыл шаруашылығын дамыту мен су ресурстарын тиімді басқару – ауыл тұрғындарының әл-ауқатын арттыруға бағытталған маңызды қадам.
Сонымен қатар көлік және логистика саласын жетілдіру – өңірлер арасындағы байланысты нығайтып, экономикалық қарым-қатынасты күшейтетін негізгі құрал. Осы тұрғыда инвестициялық ахуалды жақсарту мен оны одан әрі күшейту – Жолдаудың басым бағыттарының бірі болып отыр.
Иә, Мемлекет басшысының бұл Жолдауы – жарқын болашаққа жол ашатын нақты жоспарлар мен жүйелі реформалардың берік негізі.
К.Ищанғалиев,
аудандық ардагерлер кеңесінің мүшесі
