25 қараша мен 10 желтоқсан аралығында өтіп жатқан республикалық «Әйелдерге қатысты зорлық-зомбылықсыз 16 күн» акциясы аясында облыс полицейлерімен тұрғындар арасында ақпараттық – түсіндіру жұмыстары жүргізілуде.
ІІО-да есепте тұрған адамдардың тұрғылықты жері бойынша тексеру жұмыстары, атап айтқанда, 102-нөмеріне отбасылық жанжал ретінде жиі хабарлама беретін азаматшалардың мекен-жайлары тексеріліп, олармен профилактикалық сұхбаттар жүргізілді.
Аталмыш акция аясында, «Қазақстандағы әйелдер құқығы мүмкіндіктер мен кедергілер» атты облыстық конференция өтті.
Зорлық-зомбылықтың алдын алу және болдырмау, сондай-ақ, аналар мен балаларды қорғау, отбасының қоғамдағы рөлін нығайту бойынша қабылданған шаралармен таныстыру мақсатында өткен жиында облыс полиция департаменті әйелдерді зорлық-зомбылықтан қорғау бойынша бөлім басшысы полиция подполковнигі Бибигүл Төлегенова және әйелдерді зорлық зомбылықтан қорғау тобының инспекторы полиция капитаны Самал Супалиева "Әйелдерге қатысты зорлық-зомбылықтың алдын алу бағытында полиция қызметкерлерімен атқарылған жұмыстарға тоқталды.
Полиция қызметкерлері ескертеді:
"Егер сіз немесе сіздің жақындарыңыз тұрмыстық зорлық-зомбылыққа ұшыраса, онда үнсіз қалмаңыз! Дереу 102 немесе 98-20-98; 98-22-05 номеріне хабарласыңыз!Дағдарыс орталығы: 46-60-60 мекен-жайы: Атырау қаласы Алмагүл ы/а № 4 үй (ірге қабаты) Ана үйі: Нәбиден Абуталиев көшесі № 4 үй тел: 8701 337 11 92"
