Ауданымыздағы С.Өтебаев атындағы Жылыой мұнай және газ колледжінде студенттер арасында «WorldSkills-2025» чемпионаты өтуде. Жұмысшы мамандықтардың мәртебесін көтеруге арналған аталған турнирдың ел болашағы үшін берері мол.
Бірнеше күнге созылған бұл шара талас пен тартысқа толы өтуде. Себебі, өз мамандығын сүйіп оқитын студенттер біліктілігімен жарысты. Атап айтар болсақ, студенттер “мұнай және газ кен орындарын пайдалану”, “технологиялық құбырларды монтаждаушы”, “электромонтаждық жұмыстар”, “жеңіл автомобильдерді жөндеу және қызмет көрсету”, “дәнекерлеу технологиясы”, “кірпіш қалау”, “аспаз ісі”, “кондитерлік ісі”, “веб-дизайн және дамыту” бөлімдері бойынша сынға түсуде. Үміткерлердің барлығы да асқан қызығушылықпен, ізденіспен қатысуда.
Ерназ Алтайұлы
