Жем өзені арнасынан асып, Жылыой ауданы орталығының бір бөлігін су басқан күнге 5 сәуір күні бір жыл толады.
Жылыой ауданының су басқан Құлсары қаласының тұрғындарына көмек көрсетуге 2 млрд теңге бөлген алғашқы компаниялардың бірі "Теңізшевройл" ЖШС болды. Апатпен күресу үшін компания халықты қорғау және инфрақұрылымды қалпына келтіру үшін қажетті ресурстар мен арнайы техниканы да бөлді.
2024 жылғы 6 сәуірге қараған түні ТШО компаниясы Жылыой ауданының 7000-нан астам тұрғынын теңізде мердігерлік компаниялардың вахталық кенттеріне эвакуациялауды ұйымдастырды. Тұрғындар барлық қажетті заттармен қамтамасыз етіліп, маусым айында үйлеріне оралды.
Екі айдың ішінде ТШО Құлсарыға 100-ге жуық арнайы техника жіберді, сондай-ақ, жұмысшыларды тамақтандыруды ұйымдастырды. Жұмыстарды үздіксіз орындау үшін ауданға 550 мың литрден астам жанар-жағармай материалдары тегін жеткізілді.
"Теңізшевройл» әрдайым қиын кезеңдерде жергілікті қауымдастықтарды қолдауға тырысады. Осы сәттерде біз жергілікті билікпен күш-жігеріміз бен ынтымақтастығымыз апаттармен күресуге қалай көмектесетінін көреміз. Біз мыңдаған қызметкерлеріміз тұратын және жұмыс істейтін, сондай — ақ қызметіміз жүзеге асырылатын өңір тұрғындарының әл-ауқаты мен қауіпсіздігіне үлес қоса алатынымызды мақтан тұтамыз", - деп атап өтті ТШО құқықтық қамтамасыз ету департаментінің бас менеджері Әсет Құрманбаев.
ТШО қызметкерлері мен олардың отбасылары гуманитарлық көмек жинауға белсенді қатысты. Бір күнде 4,5 тоннадан астам көмек жиналды, оның ішінде жеке гигиена заттары, ойыншықтар мен кітаптар зардап шеккендерге Теңіз кен орнына жіберілді.
Сондай-ақ, компания Сарыөзек өзенінің бойында ұзындығы 8 шақырымнан асатын бөгет салды, бұл қадам қаланы тасқын сулардан тиімді қорғауға мүмкіндік берді. Құрылысқа 100-ден астам қызметкер мен 60 бірлік техника қатысты.
ТШО Құлсары қаласындағы қалыпты өмірді қалпына келтіруге белсенді көмектесті. Компания сорғыларды, вакуумдық машиналарды және суды, басқа да арнайы техниканы ұсынды. Ауыз су тапшылығына байланысты 24000 литр бөтелкедегі су жеткізілді, ол көп балалы отбасыларға, балалар мен қарттарға таратылды.
