Атырау облысында 27-30 қаңтар аралығында “Қауіпсіз жол” жедел-профилактикалық іс-шарасы өткізілуде.
Іс-шараның басты мақсаты – жол-көлік оқиғаларының алдын алу және зардап шеккендердің санын азайту. Осы бағытта патрульдік полиция қызметкерлері тәулік бойы жол қауіпсіздігін қамтамасыз ету бойынша түсіндіру жұмыстарын жүргізуде.
Сонымен қатар, жүргізушілерге жол-көлік оқиғаларының алдын алу мақсатында LED экрандар арқылы жол апаттарының фото және бейнемазмұны көрсетілуде.
Құрметті жүргізушілер!
Жол-көлік оқиғаларының алдын алу және баршаңыздың қауіпсіздігіңіз үшін жол жүру ережелерін қатаң сақтауды сұраймыз.
