Бүгін Мақат ауданы, Мақат кентіндегі «Бекзат» азық-түлік дүкенінен өрт шығып, дер кезінде өшірілді, деп хабарлайды аудандық төтенше жағдайлар бөлімі.
Жалпы ауданы 10х5м болатын дүкеннің тек 2х3 м болатын аумағы ғана өртке оранған. Дәлірек айтқанда, сатушының орындығы, касса аппараты және құжаттары жанған. Абырой болғанда зардап шеккендер жоқ. Тоқтың қысқа тұйықталуынан таңғы мезгілде орынған алған «тілсіз жауды» ауыздықтауға №8 өрт сөндіру бөлімінің 4 қызметкері, 1 техника жұмылдырылған. Төтеншеліктер тұрғындар мен нысан иелерінен өрт қауіпсіздігі ережелерін естен шығармауды сұрайды.
Өз тілшіміз