Мемлекет басшысының биылғы Жолдауында айтылған стратегиялық міндеттермен жаңа Құрылыс кодексінің мақсаты толық сабақтасып жатыр.
Президент Қасым-Жомарт Тоқаев еліміздің тұрақты дамуы үшін тұрғын үй-коммуналдық шаруашылығын жаңарту, экологиялық және санитарлық нормаларды күшейту қажет екенін ерекше атап өткен болатын.
Қазіргі таңда су тапшылығы – еліміздің барлық аймақтарында сезіліп отырған өзекті мәселе.
Осыған байланысты су ресурстарын басқарудың бірыңғай цифрлық платформасын енгізу – дер кезінде қолға алынған нақты шешім. Бұл жүйе суды тиімді әрі әділ бөлуге, ысырапты азайтуға, сондай-ақ жалпы процестің ашықтығын қамтамасыз етуге мүмкіндік береді.
Жаңа Құрылыс кодексінің қабылдануы да өзекті. Құрылыс саласы экологияға, тұрғындардың денсаулығына және өмір сапасына тікелей ықпал етеді. Осы құжаттың арқасында тұрғын үй-коммуналдық шаруашылығы біріздендіріліп, құрылыс жұмыстарының сапасы артып, халықтың өмір сүру деңгейі жақсара түспек.
К.Ищанғалиев,
аудандық ардагерлер кеңесінің мүшесі
