Атырау облысы аумағындағы республикалық және облыстық маңызы бар тасжолдардағы жол қауіпсіздігін қамтамасыз ету және жол-көлік оқиғаларының алдын алу мақсатында 18-21 ақпан күндері «Қауіпсіз жол» жедел профилактикалық іс-шарасы өткізілуде.
Іс-шара кезінде Атырау облысы полиция департаменті жанындағы патрульдік полиция ротасының қызметкерлері облыс аумағын қиып өтетін облыстық, республикалық маңызы бар тас жолдарда көлік жүргізушілері мен жаяу жүргіншілерге жол қауіпсіздігін қамтамасыз ету бойынша түсіндірме жұмыстарын жүргізді.
Осы ретте, жол қозғалысына қатысушыларға жол ережесін қатаң сақтап, тас жолдарда жылдамдық режимін асырмауларыңыз сұралады.
