Мақатта мас күйінде көлік жүргізгені үшін құқық бұзушыға қатаңдатылған жаза қолданылды.
Аудандық сот отырысында Әкімшілік құқық бұзушылық туралы Қазақстан Республикасының кодексінің 608-бабы 1‐бөлігімен құқық бұзушы Б‐ға қатысты әкімшілік іс қаралды.
Сотта белгілі болғандай, Б есімді азамат 20 маусым күні сағат 23:50 минут шамасында Мақат кенті, С.Мұқашев көшесінің бойында көлік тізгінін алкогольдік ішімдік ішіп, масаң күйде басқарған.
Сондай-ақ, жол қозғалысы ережелерінің 2.4.2 тармағының талаптарын бұзған. Құқық бұзушының алкогольдік ішімдік ішкені медициналық куәландыру қорытындысы арқылы расталды. Сот отырысында құқық бұзушы өз кінәсін мойындады. Сот қаулысымен Б. Қазақстан Республикасының ӘҚБтК-нің 608‐ бабы 1‐ бөлігімен кінәлі деп танылып, оған 15 тәуілік мерзімге әкімшілік қамаққа алу және 7 жылға көлік құралын басқару құқығынан айыру түріндегі әкімшілік жаза қолданылды.
Мақат аудандық соты
Сурет: ашық дереккөз
