2025 жылдың «Жұмысшы мамандықтар жылы» деп аталуы — ел дамуының нақты тірегін мойындау. Бұл — үнсіз еңбек етіп жүрген мыңдаған шебер, дихан, құрылысшы, механик, токарь, жүргізуші мен аспаздың абыройын қайта жаңғырту.
Президент Қасым-Жомарт Тоқаевтың: «Елді алға бастайтын – адал еңбек. Бізге нағыз кәсіби мамандар керек» деген сөзі — бүгінгі ұрпаққа нақты бағыт. Себебі жұмысшы — қоғамды іргетастан бастап тұрғызатын тұлға. Олар — даңқ іздемейді, бірақ сол даңқтың іргесін қалап жүргендер.
Бүгінде озық технология, жасанды интеллект, ақылды құрылғылар бәрі бар. Бірақ солардың барлығын өмірге әкелетін — жұмысшының қолы. Сол себепті біз енді «қарапайым» деген сөзді «қасиетті» дегенмен алмастыруымыз керек.
Жұмысшы — бұл болаттай мінез, алақандағы шеберлік, жүректегі елге деген адалдық. Қоғамның жүрегі олар арқылы соғады. Бұл жыл — еңбек иесінің даусын естіртіп, оның қадірін түсінетін уақыт.
Ел боламыз десек — еңбекке бас иейік!
