Қоғамның дамуы мен экономиканың өсуі еңбек адамдарының қолында. Құрылысшылар, дәнекерлеушілер, механизаторлар, электриктер, наубайшылар мен тігіншілер – осындай мамандық иелері күнделікті өміріміздің ажырамас бөлігіне айналған. Олардың еңбегі арқылы үйлер салынып, жолдар төселіп, халыққа қажетті өнімдер дайындалады.
Қазіргі таңда жұмысшы мамандықтарына сұраныс артып келеді. Жаңа технологиялар мен заманауи құралдар енгізілсе де, өндіріс орындарында, құрылыс алаңдарында, ауыл шаруашылығы мен қызмет көрсету саласында білікті жұмысшыларға деген қажеттілік сақталады. Өйткені техника қаншалықты дамыса да, оны басқарып, күтіп-ұстайтын, сапалы өнім шығаратын – адам еңбегі.
Алайда кейбір жастар бұл саланы таңдағысы келмейді, ал ата-аналар балаларын жоғары білім алуға ғана бағыттайды. Бұл көзқарасты өзгертіп, жұмысшы мамандықтарының беделін арттыру – қоғамның ортақ міндеті. Себебі шынайы шеберлік пен адал еңбек кез келген саланы жоғары деңгейге жеткізеді.
Мамандықтың жаманы жоқ, тек өз ісіңе деген сүйіспеншілік пен жауапкершілік қажет. Біз қолданып жүрген өнімдер мен техникалар, тұрғызылған ғимараттар мен жолдар – барлығы жұмысшы мамандардың маңдай терінің нәтижесі. Сондықтан олардың еңбегін бағалап, құрмет көрсету – қоғамның дамуына қосылған үлес.
Жұмысшы мамандықтары – елдің экономикасы мен өркендеуінің тірегі. Оларға деген құрмет – еңбекке деген құрмет.
Мөлдір КЕНЖЕҒАЛИЕВА ,
"Ақбота" бөбекжай-бақшасының тәрбиешісі Зинеден ауылы
