Бержан Қанатбаев атындағы орта мектеп ғимаратында орналасқан №214 сайлау учаскесінде де дауыс беру белсенді жүруде.
Медицина қызметкерлері сайлаушылардың дене қызуын өлшеп, санитарлық талаптардың сақталуын қатаң қадағалауда.
Осы учаскенің сайлаушылар тізіміне енген жанұялардың бірі - Ғинаятовтар. Өнер династиясына айналған отбасының бірнеше мүшесі бүгін бір мезетте сайлауға қатысып, дауыс берді.
-Біз бұл сайлауға барлығымыз бірдей келуді жөн көрдік. Өйткені елдегі саяси науқан біздің отбасының да болашағымен байланысты Сондықтан отбасының әрбір мүшесі өз таңдауын жасады. Мереке құтты болсын, сайлау әділ өтсін деп тілеймін,- деді Естай Ғинаятов.
М.Ізтұрғанова
