Бүгін Мемлекет басшысы Қасым-Жомарт Тоқаев Қазақстан халқына арнаған Жолдауында цифрлық технологияларды дамытудың маңызын ерекше атап өтті.
Бұл бағыттағы нақты қадам – Алатау қаласының Үкіметке тікелей бағынатын жаңа мәртебе алуы және оны толық цифрландыру бастамасы деп білемін.
Мұндай шешім еліміздің заманауи технологиялар мен цифрлық басқару жүйесіне бет алғанын көрсетеді.
Алатау — тек әкімшілік реформа ғана емес, ол – болашақтың қаласы. Егер жолдауда көрсетілген міндеттер жүйелі түрде жүзеге асса, бұл жоба бүкіл ел үшін үлгі болары сөзсіз.
Сәбит Халенов,
Аудандық ардагерлер кеңесінің төрағасы
