Құлсары қаласында Мұрагер және Береке ықшам аудандарында салынып жатқан 280 орындық екі балабақшаның құрылысы аяқталды, деп хабарлайды Атырау облысы өңірлік коммуникациялар қызметі.

Бұл туралы Жылыой ауданының әкімі​ Халел Жамалов​ биылғы 8 айдағы жұмыс барысын баяндаған​ брифингте айтты.

Сонымен қатар, Сафи Өтебаев атындағы мұнай және газ техникалық колледжінде 60 орындық жатахана құрылысы аяқталды.

«Ауданда 3 қатарлы 580 орындық мектептің құрылысы аяқталды. Бұдан бөлек, Тұрғызба және Қосшағыл ауылдарындағы дене шынықтыру сауықтыру кешенінің құрылыс жұмыстары да​ аяқталуда» деді аудан әкімі.