Қазақстан Президенті Қасым-Жомарт Тоқаевтың алғашқы Жолдауының басымдықтарымен үлкен қызығушылықпен танысып шықтым. Осы орайда, ең алдымен назар аудартқаны – Жолдаудың "Әл-Фарабидің 1150 жылдығы мен Абайдың 175 жылдық мерейтойларын атап өту кезінде ысырапшылдыққа жол бермей, ғұлама тұлғаларымыздың еңбектерін халық арасында дәріптеу керек"-деді.
Ендігі жылы елімізде әл-Фараби мерейтойымен бірге ақын Абай Құнанбайұлының 175 жылдығы да атап өтілмек.
26 тамызда мемлекет басшысы Қ.Тоқаев Әл-Фарабидің 1150 жылдық және Абай Құнанбайұлының 175 жылдық мерейтойына дайындалу және өткізу жөніндегі мемлекеттік комиссия құру туралы қаулыға қол қойғаны есімізде.
Абай шығармаларын жас ұрпақ бойына ана сүтімен сіңіруге, қадір-қасиетін түсіндіруге бір кісідей атсалысамын.
Білім беру ұйымдарында Абай өлеңдерін жаттату, қойылымдар қою, «Әлемнің екінші ұстазы» атанған күллі түркі жұртының бас ойшылы Әбу Насыр Әл-Фарабидің шыққан тегі, мұраларымен таныстыру жөнінде іске асыру мақсатында іс-шаралар жоспарланып, насихатталса деймін.
Е.ЖОЛАМАНОВ,
аудандық қоғамдық кеңестің төрағасы.
