ҚР Парламенті Мәжілісі және мәслихат депутаттарының сайлауына дауыс берушілер белсенді қатысып жатыр. Олардың арасында атыраулық көпбалалы ана Оңайбике Жаңабергенова да бар. Ол сайлау учаскесіне отбасымен бірге келген. Қасында жолдасы, балалары мен келіндері, немересі мен немере келіні бар, деп хабарлады Өңірлік коммуникация қызметі.
Жасы 70-ке жақындаған әже Сарықамыс мөлтек ауданындағы №33 орта мектепте орнасқан №83 сайлау учаскесінде дауыс берді.
- Халқымыз үшін маңызды күнде отбасымызбен келіп, әр қайсысымыз өз таңдауымызды жасадық. Осы балаларымның жарқын болашағы үшін дауыс бердім. Барлық қазақстандықты, жерлестерімді еліміздің амандығы үшін, жарқын болашақ үшін дауыс беруге шақырамын,- деді О.Жаңабергенова.
Сарықамыс ықшам ауданындағы №83 сайлау учаскесінде 2358 сайлаушы болса, оның қазіргі уақытта 200-ге жуығы келіп, өз таңдауын жасаған.
