Өңірімізде аудандық мәслихат депутаттығына кандидаттар үгіт-насихат жұмыстары аясында бірнеше сала мамандарымен кездесу өткізуде. Мәселен бүгін, 15 желтоқсан күні Қуаныш Исмагулов, Әсел Қаржауова, Бақыткүл Тиышбаева, Әділбек Идиятов, Айбол Долдашев, Бауыржан Жүсіпов «Білім» бастауыш партия ұйымы және білім саласының өкілдерімен кездесті.
Шара барысында кандидаттар сала мамандарымен пікір алмасып, түрлі мәселелерді саралады. Сондай-ақ, ұстаздар да өз салалары бойынша түрлі ұсыныстар мен ойларын ортаға салды.
Алдымен Бақытгүл Әбілбекқызы ауданнның сайлауалды бағдарламасындағы білім беру саласына жасалатын негізгі міндеттерді таныстырды.
Жалпы биыл коронавирустың таралуына қарсы күрес жөніндегі күш-жігердің шеңберінде аудандағы 7 мектепте 1-4 сыныптардың 322 оқушысы кезекші сыныпта, 5844 оқушысы қашықтықтан оқыту форматына көшкен болатын.
Ауданда апатты жағдайда және үшауысымды оқытатын мектептер болмағанымен, мектепке дейінгі тәрбие орындарының жетіспеушілігі бар. Сондай-ақ, бүгінгі күні ауданда балабақша кезегінде 1 290 бала балабақша кезегінде тұр.
Сапалы білім алуға қол жеткізуді қамтамасыз ету ауданның одан әрі дамуының маңызды шарты болып табылады. Бұл үшін «Nur Otan» партиясы он бір бағытта өз бағдарламасын әзірледі.
2020-2021 оқу жылдарында республикалық трансферт есебінен 1025 компьютерлік техникалар, жергілікті бюджет есебінен 200 ноутбук, 206 планшет қамтамасыз етілмек. Сондай-ақ, аудандағы білім беру ұйымдарының оқушылары жүз пайыз оқулықпен қамтамасыз етуге басымдылық берілген. 2022 жылы Мақат кентінің «Ынтымақ» ықшам ауданында №2 бастауыш мектебіне 180 орындық жапсарлас ғимарат (асхана, спортзал, қосымша кабинеттер) құрылысын салу жоспарланып отыр. Сондай-ақ, 2023 жылы Мақат кентінің балаларын балабақшамен қамту жұмыстарын ұйымдастыру мақсатында С.Мұқашев көшесінен 160 орындық балабақша салу көзделген.
Шара соңында үміткерлер сұрақтарға жауап беріп, «Nur Otan» партиясына дауыс беруге шақырып, үгіт-насихаттық жадынама таратты.
М.Ізтұрғанова,
суреттер автордікі
«Nur Otan» партиясының Атырау облысы Мақат ауданының сайлау қоры қаражатының есебінен төленді
