Қоғамда көптеген мамандықтар бар. Соның ішінде нағыз құрмет пен алғысқа лайық мамандықтардың бірі – жұмысшы мамандығы. Көзге көріне бермейтін, бірақ күнделікті тіршіліктің тірегі саналатын бұл кәсіп иелерінің еңбегі – нағыз ерлікпен тең.
Адамзат өркениеті мен ғылымы қанша дамыса да, жұмысшының қолымен жасалатын нақты еңбекке деген сұраныс ешқашан азаймайды. Үй салып жатқан құрылысшы да, жарық тартқан электрик те, жол төсеген маман да – бәрі ел игілігі үшін аянбай тер төгуде. Олар – тыныш әрі жайлы өмірдің шын батырлары.
Жұмысшы болу – тек бір кәсіп иесі болу емес, ол – өмір салты. Бұл – тәртіп, дәлдік, шыдамдылық, еңбекке адалдық сынды құндылықтарды бойға сіңіру. Әрбір болат балқытушы, әрбір механизатор, әрбір дәнекерлеуші – өз ісінің шебері. Олар қарапайым көрінгенмен, елдің ертеңін қалыптастырып отырған тұлғалар.
Қазіргі таңда мемлекет жұмысшы мамандықтарының мәртебесін көтеруге ерекше көңіл бөлуде. Жоғары жалақы, тұрақты жұмыс орны, кәсіби білім алу мүмкіндігі – мұның бәрі жастардың осы бағытқа бет бұруына жол ашады. Қарапайым жұмысшыдан басталып, кәсіби жетістіктерге жеткен мыңдаған адам бар. Бұл – еңбекпен келген абырой.
Жұмысшы – батырлардай салтанат құрмаса да, болашаққа жол салады. Олар – ұлттың дамуы мен өсіп-өркендеуінің нағыз тірегі. Сондықтан да жұмысшы мамандығы – қарапайымдылықтан басталып, қоғамға қосқан үлесімен ұлылыққа айналатын мамандық.
Әсел ТАБИҒАТҚЫЗЫ
