Әлемде сан түрлі мамандықтар мен маман иелері бар. Олардың барлығы қарапайым еңбек адамынан бастау алып, қоғамның алға жылжуына оразан зор үлестерін қосады.
Өйткені, жұмысшы мамандықтарының маңдай терін төгіп атқарған жұмысы әрқашанда бағалы, ел игілігі үшін маңызды.
Осы ретте Мемлекет басшысының 2025 жылды «Жұмысшы мамандықтары жылы» деп жариялағаны маңызды әрі стратегиялық шешім болып табылады.
Мұндай бастама жұмысшы мамандықтарының қоғамдағы рөлін көтеруге, жұмысшылардың мәртебесін арттыруға, сондай-ақ еңбек нарығында қажетті біліктілік пен дағдыларды дамытуға бағытталғаны анық.
Олардың жұмысының бағалануы – бұл ең алдымен елдің экономикалық, әлеуметтік және мәдени дамуына әсер етері сөзсіз.
Осылайша жұмысшы мамандықтары жылының нәтижесінде қоғамдағы еңбектің сапасы артып, болашақта жұмысшы мамандарының маңызы одан әрі күшейе түспек.
Г.Мәмбетқызы
