22-ші Солтүстік Каспий өңірлік "Atyrau Oil&Gas" көрмесі аясында "Махамбет" өнеркәсіптік-өндірістік кешеніне экскурсия өтті.
"Махамбет" өнеркәсіптік-өндірістік кешені – 2024 жылы іске қосылған Атырау облысындағы ірі индустриалды нысандардың бірі. Ол Texol компаниялар тобына кіреді. Кешенге Вагон сервис орталығы, Вагон дөңгелегі шеберханасы, Жылжымалы құрамды құрастыру және жөндеу цехтары кіреді. Сондай-ақ, тежегіш төсемдер шығаратын зауыт кіреді. Мұнда сұйытылған газды, мұнай өнімдерін және құрғақ жүктерді тасымалдауға арналған вагондарды тасымалдау және техникалық қызмет көрсету жүзеге асырылады.
Кешен өкілдері экскурсия өткізіп, заманауи өндірісті дамыту жоспарларымен бөлісті.
Бүгінде "Махамбет" өнеркәсіптік-өндірістік кешенінің аумағында
- вагондарды құрастыру және жөндеу цехтары;
- тежегіш төсемдер шығаратын зауыт;
- вагон жөндеу кәсіпорны;
- аймақтағы ең ірі сұйытылған көміртекті газ қоймасы (6000 м3);
- ағызу/құю эстакадалары, вагондар мен цистерналарды инспекциялау;
- газ толтыру станциясы және жаңа буын жөндеу-сынау пункті жұмыс істейді.
Айта кету керек, экскурсияға Эстония, Ресей, Италия, Қытай және Қазақстанның делегациялары қатысты. Қонақтар кәсіпорынның өндірістік қуатын және газ және мұнай-бензин цистерналарын дайындау және қызмет көрсету саласындағы жаңа технологияларды жоғары бағалады.
"Махамбет" өнеркәсіптік-өндірістік кешені – ауыр машина жасаудың ауқымды индустриялық жобасының бөлігі болып табылады.
