Рамазан айында қызыл аймақта орналасқан мешіттерге қойылатын талаптар жарияланды

(0 Votes)

Рамазан айында қызыл аймақта орналасқан мешіттерге қойылатын талаптар белгілі болды. Оны бүгін Қазақстан мұсылмандары діни басқармасы төрағасының орынбасары, наиб мүфти Ершат қажы Оңғар жария етті, деп хабарлайды ҚазАқпарат тілшісі.

«Қызыл аймақта орналасқан мешіттерге қойылатын талаптар сәл қатаңдау болады. Мешітте намаз оқитын орындарға, ауызашарға қатысты тəртіп: бес уақыт намазды тек жекелеген түрде оқу, яғни жамағатпен оқымау; Намаз оқушылардың ара қашықтығы 2 метр болып арнайы белгіленген орындарда оқу; Намаз оқитын залдарда имамдар жəне намаз оқитын адамдар міндетті түрде бетпердемен болу; Ораза ұстаған адамдарға мүмкіндігінше ауызашар қоржынын жеткізіп беру арқылы ұйымдастыру; Жасы үлкен кісілер, денсаулығы нашар адамдар (ер жəне əйел) жəне жас балалар намаздарын үйлерінде оқу. Тарауық намазы оқылмайды. Намаз оқып болған соң мүмкіндігінше мешіттен тезірек шығу керек», - деді наиб мүфти Орталық коммуникациялар қызметіндегі брифинг барысында.

Оның атап өтуінше, бұл талаптар жергілікті бас санитарлық дəрігердің шешіміне сəйкес өзгеріп отырады. «Бұл талаптар сіздердің денсаулықтарыңызды сақтау мақсатында жасалды. Сондықтан ҚМДБ бекіткен талаптарға түсіністік танытып, оларды орындауға шақырамыз», - деді Ершат қажы Оңғар.

inform.kz

Сурет: ашық дереккөз

Мақат тынысы

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

COVID-19 инфекциясы

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және
коммуникациялар министрлігінде тіркелгені жөнінде
2018 жылдың 16 мамырында №17098-Г куәлігі берілген.

Атырау обл, Мақат кенті, С.Мұқашев к-сі, 36.
makat70@mail.ru 
8 (712)39 3 07 66

 

 

Яндекс.Метрика